ಭಕ್ತಿಗೀತೆಗಳು
ಪೊಗದಿರಲೋ ರಂಗ ಬಾಗಿಲಿಂದಾಚೆಗೆ
• ಪುರಂದರ ದಾಸರು
ಪೊಗದಿರಲೋ ರಂಗ ಬಾಗಿಲಿಂದಾಚೆಗೆ || ಪ ||
ಭಾಗವತರು ಕಂಡರೆತ್ತಿಕೊಂಬರೊ ನಿನ್ನ || ಅ.ಪ. ||
ಸುರಮುನಿಗಳು ತಮ್ಮ ಹೃದಯಗಹ್ವರದಲ್ಲಿ
ಪರಮಾತ್ಮನ ಕಾಣದರಸುವರೋ
ದೊರಕದ ವಸ್ತುವು ದೊರಕಿತು ತಮಗೆಂದು
ಹರುಷದಲಿ ಬಂದು ಕರೆದೆತ್ತಿ ಕೊಂಬರೋ || ೧ ||
ಅಗಣಿತ ಗುಣ ನಿನ್ನ ಜಗದ ನಾರಿಯರೆಲ್ಲ
ಪಗೆಯಾಗಿ ಕಾಂಬರೊ ಗೋಪಾಲನೇ
ಮಗುಗಳ ಮಾಣಿಕ್ಯ ತಗುಲಿತು ಕರೆಕೆಂದು
ಬೇಗದಲಿ ಬಂದು ಬಿಗಿದಪ್ಪಿ ಕೊಂಬರೋ || ೨ ||
ದುಷ್ಟನಾರಿಯರು ತಮ್ಮಿಷ್ಟವ ಸಲ್ಲಿಸೆಂದು
ಅಟ್ಟಿ ಬೆನ್ನಹಿಂದೆ ತಿರುಗುವರೋ
ಸೃಷ್ಟೀಶ ಪುರಂದರ ವಿಠಲ ರಾಯನೆ
ಇಷ್ಟಿಷ್ಟು ಬೆಣ್ಣೆಯ ಕೊಡುವೆನು ಗೋಪಾಲ || ೩ ||
ಜಗದೋದ್ಧಾರನ
• ಪುರಂದರ ದಾಸರು
ಜಗದೋದ್ಧಾರನ
ಆಡಿಸಿದಳ್ ಯಶೋದಾ || ಪ ||
ಜಗದೋದ್ಧಾರನ ಮಗನೆಂದು ತಿಳಿಯುತ
ಸುಗುಣಾಂತ ರಂಗನ ಆಡಿಸಿದಳ್ ಯಶೋದಾ || ಅ.ಪ ||
ನಿಗಮಕೆ ಸಿಲುಕದ ಅಗಣಿತ ಮಹಿಮನ
ಮಗುಗಳ ಮಾಣಿಕ್ಯನ ಆಡಿಸಿದಳ್ ಯಶೋದಾ || ೧ ||
ಅಣೋರಣೀಯನಾ ಮಹತೋಮಹಿಮನಾ
ಅಪ್ರಮೇಯನಾ ಆದಿಸಿದಳ್ ಯಶೋದಾ || ೨ ||
ಪರಮ ಪುರುಷನಾ ಪರವಾಸುದೇವನ
ಪುರಂದರ ವಿಠಲನಾ ಆಡಿಸಿದಳ್ ಯಶೋದಾ || ೩
ತಲ್ಲಣಿಸದಿರು ಕಂಡ್ಯ
• ಕನಕದಾಸರು
ತಲ್ಲಣಿಸದಿರು ಕಂಡ್ಯ ತಾಳು ಮನವೆ || ಪ ||
ಎಲ್ಲರನು ಸಲಹುವನು ಇದಕೆ ಸಂಶಯವಿಲ್ಲ || ಅ.ಪ. ||
ಬೆಟ್ಟದಾ ತುದಿಯಲ್ಲಿ ಹುಟ್ಟಿದ ವೃಕ್ಷಕ್ಕೆ
ಕಟ್ಟೆಯನು ಕಟ್ಟಿ ನೀರೆರೆದವರು ಯಾರೊ
ಪುಟ್ಟಿಸಿದ ಸ್ವಾಮಿ ತಾ ಹೊಣೆಗರನಾಗಿರಲು
ಗಟ್ಯಾಗಿ ಸಲಹುವನು ಇದಕೆ ಸಂಶಯವಿಲ್ಲ || ೧ ||
ಅಡವಿಯೊಳಗಾಡುವ ಮೃಗ ಪಕ್ಷಿಗಳಿಗೆಲ್ಲ
ಅಡಿಗಡಿಗೆ ಆಹಾರವಿತ್ತವರು ಯಾರೊ
ಪಡೆದ ಜನನಿಯ ತೆರದಿ ಸ್ವಾಮಿ ಹೊಣೆಗೀಡಾಗಿ
ಬಿಡದೆ ರಕ್ಷಿಪನು ಇದಕೆ ಸಂಶಯವಿಲ್ಲ || ೨ ||
ನವಿಲಿಗೆ ಚಿತ್ರ ಬರೆದವರು ಯಾರು
ಪವಳದ ಲತೆಗೆ ಕೆಂಪಿಟ್ಟವರು ಯಾರು
ಸವಿಮಾತಿನರಗಿಳಿಗೆ ಹಸುರು ಬರೆದವರು ಯಾರು
ಅವನೆ ಸಲಹುವನು ಇದಕೆ ಸಂಶಯವಿಲ್ಲ || ೩ ||
ಕಲ್ಲಿನಲಿ ಹುಟ್ಟಿ ಕೂಗುವ ಕಪ್ಪೆಗಳಿಗೆಲ್ಲ
ಅಲ್ಲಲ್ಲಿಗಾಹಾರ ತಂದವರಾರು
ಬಲ್ಲಿದನು ಕಾಗಿನೆಲೆಯಾದಿಕೇಶವರಾಯ
ಎಲ್ಲರನು ಸಲಹುವನು ಇದಕೆ ಸಂಶಯವಿಲ್ಲ || ೪ ||
ಮಾನವ ಜನ್ಮ ದೊಡ್ಡದು
• ಪುರಂದರ ದಾಸರು
ಮಾನವ ಜನ್ಮ ದೊಡ್ಡದು
ಇದ ಹಾನಿ ಮಾಡಲು ಬೇಡಿ
ಹುಚ್ಚಪ್ಪಗಳಿರಾ || ಪ ||
ಕಣ್ಣು ಕೈ ಕಾಲ್ ಕಿವಿ ನಾಲಿಗೆ
ಇರಲಿಕ್ಕೆ ಮಣ್ಣು ಮುಕ್ಕಿ ಮರುಳಾಗುವರೆ
ಹೆಣ್ಣು ಮಾಣ್ಣಿಗಾಗಿ
ಹರಿಯ ನಾಮಾಮೃತ ಉಣ್ಣದೆ
ಉಪವಾಸ ಇರುವರೆ ಖೋಡಿ || ೧ ||
ಕಾಲನ ದೂತರು ಕಾಲ್ಪಿಡಿದೆಳೆವಾಗ
ತಾಳು ತಾಳೆಂದರೆ ಕೇಳುವರೆ
ಧಾಳಿ ಬಾರದ ಮುನ್ನ
ಧರ್ಮವ ಗಳಿಸಿರೊ
ಸುಳ್ಳಿನ ಸಂಸಾರ ಸುಳಿಗೆ
ಸಿಕ್ಕಲು ಬೇಡಿ || ೨ ||
ಏನು ಕಾರಣ ಯದು
ಪತಿಯನು ಮರೆತಿರಿ
ಧನಧಾನ್ಯ ಪುತ್ರರು ಕಾಯುವರೆ
ಇನ್ನಾದರು ಏಕೋ ಭಾವದಿ ಭಜಿಸಿರೋ
ಚೆನ್ನ ಶ್ರೀ ಪುರಂದರ ವಿಠಲ ರಾಯನ || ೩ ||
ಸತ್ಯವಂತರಿಗಿದು ಕಾಲವಲ್ಲ
• ಪುರಂದರ ದಾಸರು
ಸತ್ಯವಂತರಿಗಿದು ಕಾಲವಲ್ಲ
ದುಷ್ಟಜನರಿಗೆ ಸುಭಿಕ್ಷಕಾಲ || ಪ ||
ಹರಿಸ್ಮರಣೆ ಮಾಡುವಗೆ ಕ್ಷಯವಾಗುವ ಕಾಲ
ಪರಮ ಪಾಪಿಗಳಿಗೆ ಸುಭಿಕ್ಷ ಕಾಲ
ಸ್ಥಿರವಾದ ಪವಿತ್ರತೆಯ ಪರರು ನಿಂದಿಪ ಕಾಲ
ಧರೆಯೊಳು ಜಾರೆಯರ ಕೊಂಡಾಡುವ ಕಾಲ|| 1 ||
ಉಪಕಾರ ಮಾಡಿದರೆ ಅಪಕರಿಸುವ ಕಾಲ
ಸಕಲವು ತಿಳಿದವಗೆ ದುರ್ಭಿಕ್ಷ ಕಾಲ
ಸತಿ ಸುತರು ಎಂಬುವರ ನಂಬಲರಿಯದ ಕಾಲ
ಸಟೆಯಲ್ಲವಿದೇ ವಿಪರೀತ ಕಾಲ || ೨ ||
ಧರ್ಮ ಮಾಡುವಗೆ ನಿರ್ಮೂಲವಾಗುವ ಕಾಲ
ಕರ್ಮಿ ಪಾತಕರಿಗೆ ಬಹು ಸೌಖ್ಯಕಾಲ
ನಿರ್ಮಲಾತ್ಮಕ್ ಸಿರಿ ಪುರಂದರ ವಿಠಲನ
ಮರ್ಮದೊಳು ಭಜಿಸಲರಿಯದ ಕಾಲವಯ್ಯ || ೩ ||
ಗಜವದನ ಬೇಡುವೆ
• ಪುರಂದರ ದಾಸರು
ಗಜವದನ ಬೇಡುವೆ ಗೌರೀತನಯ || ಪ ||
ತ್ರಿಜಗ ವಂದಿತನೆ ಸುಜನರ ಪೊರೆವನೆ || ಅ.ಪ. ||
ಪಾಶಾಂಕುಶಧರ ಪರಮಪವಿತ್ರ
ಮೂಷಕ ವಾಹನ ಮುನಿಜನ ಪ್ರೇಮ || 1 ||
ಮೋದದಿ ನಿನ್ನಯ ಪಾದವ ತೋರೋ
ಸಾಧುವಂದಿತನೆ ಆದರದಿಂದಲಿ || ೨ ||
ಸರಸಿಜನಾಭ ಶ್ರೀ ಪುರಂದರವಿಠಲನ
ನಿರುತ ನೆನೆಯುವಂತೆ ದಯಮಾಡೋ || ೩ ||
ಡೊಂಕು ಬಾಲದ ನಾಯಕರೆ
• ಪುರಂದರ ದಾಸರು
ಡೊಂಕು ಬಾಲದ ನಾಯಕರೆ
ನೀವೇನೂಟವ ಮಾಡಿದಿರಿ? || ಪ ||
ಕಣಕ ಕುಟ್ಟೋ ಅಲ್ಲಿಗೆ ಹೋಗಿ
ಹಣಿಕೆ ಇಣುಕಿ ನೋಡುವಿರಿ
ಕಣಕ ಕುಟ್ಟೋ ಒನಕೆಲಿ ಬಡಿದರೆ
ಕುಂಯಿ ಕುಂಯಿ ರಾಗವ ಮಾಡುವಿರಿ || 1 ||
ಹುಗ್ಗಿ ಮಾಡೋ ಅಲ್ಲಿಗೆ ಹೋಗಿ
ತಗ್ಗಿ ಬಗ್ಗಿ ನೋಡುವಿರಿ
ಹುಗ್ಗಿ ಮಡೋ ಸೌಟಲಿ ಬಡಿದರೆ
ಕುಂಯಿ ಕುಂಯಿ ರಾಗವ ಮಾಡುವಿರಿ || ೨ ||
ಹಿರೇ ಬೀದಿಲಿ ಓಡುವಿರಿ
ಕರೇ ಬೀದಿಯಲಿ ಹೊರಳುವಿರಿ
ಪುರಂದರ ವಿಠಲರಾಯನ ಈ ಪರಿ
ಪ್ರಿದಾಟದಿ ಸದಾ ಚಲಿಸುವಿರಿ || ೩ ||
ನಿಂದಕರಿರಬೇಕು
• ಪುರಂದರ ದಾಸರು
ನಿಂದಕರಿರಬೇಕಿರಬೇಕು || ಪ ||
ಹಂದಿ ಇದ್ದರೆ ಕೇರಿ ಹ್ಯಾಂಗೆ ಶುದ್ಹಿಯೋ ಹಾಂಗೆ || ಅ ||
ಅಂದಂದು ಮಾಡಿದ ಪಾಪವೆಂಬ ಮಲ
ತಿಂದು ಹೋಗುವರಯ್ಯ ನಿಂದಕರು
ವಂಧಿಸಿಸುತ್ತಿರುವ ಜನರೆಲ್ಲರೂ ನಮ್ಮ
ಪೊಂದಿಹ ಪುಣ್ಯವ ನೊಯ್ಯುವರಯ್ಯ || 1 ||
ದುಷ್ಟ ಜನರು ಈ ಸೃಷ್ಟಿಯಲ್ಲಿದ್ದರೆ
ಶಿಷ್ಟ ಜನರಿಗೆಲ್ಲ ಕೀರ್ತಿಗಳು
ಇಷ್ಟಪ್ರಧ ಶ್ರೀಕೃಷ್ಣ ನಿನ್ನೊಳು
ಇಷ್ಟೇ ವರವನು ಬೇಡುವೆನಯ್ಯ || ೨ ||
ದುರುಳ ಜನಂಗಳು ಚಿರಕಾಲವಿರುವಂತೆ
ಕರವ ಮುಗಿದು ವರ ಬೇಡುವೆನು
ಸರಿಪರಿ ತಮಸಿಗೆ ಗುರಿಯಹರಲ್ಲದೆ
ಪರಮ ದಯಾನಿಧಿ ಪುರಂದರ ವಿಠಲ || ೩ ||
ಕುಲ ಕುಲವೆಂದು ಹೊಡೆದಾಡದಿರಿ
• ಕನಕದಾಸರು
ಕುಲ ಕುಲವೆಂದು ಹೊಡೆದಾಡದಿರಿ ನಿಮ್ಮ
ಕುಲದ ನೆಲೆಯನೆನಾದರೂ ಬಲ್ಲಿರಾ || ಪ ||
ಹುಟ್ಟಿದ ಯೋನಿಗಳಿಲ್ಲ ಮೆಟ್ಟದ ಭೂಮಿಗಳಿಲ್ಲ
ಅಟ್ಟು ಉಣ್ಣದ ವಸ್ತುಗಳಿಲ್ಲ
ಗುಟ್ಟು ಕಾಣಿಸಬಂತು ಹಿರಿದೆನು ಕಿರಿದೆನು
ನೆಟ್ಟನೆ ಸರ್ವಜ್ಞನ ನೆನೆಕಂಡ್ಯ ಮನುಜಾ || 1 ||
ಜಲವೇ ಸಕಲ ಕುಲಕ್ಕೆ ತಾಯಲ್ಲವೆ
ಜಲಜ ಕುಲವನೆನಾದರೂ ಬಲ್ಲಿರಾ
ಜಲದ ಬೋಬ್ಬುಳಿಯಂತೆ ಸ್ಥಿರವಿಲ್ಲವೀ ದೇಹಾ
ನೆಲೆಯರಿತು ನೀ ನೆನೆಕಂಡ್ಯ ಮನುಜಾ || ೨ ||
ಹರಿಯೇ ಸರ್ವೋತ್ತಮ ಹರಿಯೇ ಸರ್ವೇಶ್ವರ
ಹರಿಮಯ ನೆಲೆಯಾದಿ ಕೇಶವರಾಯನ
ಸಿರಿತಾನಾಗಿ ನೆಲೆಯಾದಿ ಕೇಶವರಾಯನ
ಚರಣ ಕಮಲವನೇ ಅರ್ಜಿಸುವನೇ ಕುಲಜ || ೩
ಅಪರಾಧಿ ನಾನಲ್ಲ
• ಪುರಂದರ ದಾಸರು
ಅಪರಾಧಿ ನಾನಲ್ಲ ಅಪರಾಧವೆನಗಿಲ್ಲ
ಕಪಟ ನಾಟಕ ಸೂತ್ರಧಾರಿ ನೀನೇ || ಪ ||
ನೀನೇ ಆಡಿಸದಿರಲು ಜಡ ಒನಿಕೆಯ ಬೊಂಬೆ
ಏನು ಮಾಡಲು ಬಲ್ಲುದು ತಾನೆ ಬೇರೆ
ನೀನಿಟ್ಟ ಸೂತ್ರದಿಂ ಚಲಿಪವು ಕೈಕಾಲುಗಳು
ನೀನೇ ಮುಗ್ಗಿಸಲು ಮುಗ್ಗುವ ದೇಹದವನು || 1 ||
ಒಂದೆಂಟು ಬಾಗಿಲುಗಳುಳ್ಳ ಪುರಕೆ
ತನ್ನದೆಂದು ಇಪ್ಪತ್ತಾರು ಮನೆಯಾಳ್ಗಳ
ತಂದು ಕಾವಲ ನಿಲಿಸಿ ಎನ್ನ ನೀ ಒಳಗಿಟ್ಟ
ಮುಂದೆ ಭವದಲಿ ಭವಣಿಪುವದು ನಿನ್ನದನ್ಯಾಯ || ೨ ||
ಯಂತ್ರವಾಹನ ನೀನೇ ಒಳಗಿದ್ದು ಎನ್ನ ಸ್ವ-
ತಂತ್ರನೆಂದೆನಿಸಿ ಕೊಲಿಸುವರೆ ಹೇಳೊ
ಕಂತು ಪಿತ ಲಕ್ಷ್ಮೀಶ ಎಂತಾದಡಂತಹುದಾ-
ನಂತ ಮೂರುತಿ ನಮ್ಮ ಪುರಂದರ ವಿಠಲ || ೨ ||
ಅಂಬಿಗ ನಾ ನಿನ್ನ
• ಪುರಂದರ ದಾಸರು
ಅಂಬಿಗ ನಾ ನಿನ್ನ ನಂಬಿದೆ
ಜಗದಂಬಾರಮಣನ ನಂಬಿದೆ || ಪ ||
ತುಂಬಿದ ಹರಿಗೋಲಂಬಿಗ
ಅದಕೊಂಭತ್ತು ಛಿದ್ರವು ಅಂಬಿಗ
ಸಂಭ್ರಮದಿಂ ನೋಡಂಬಿಗ
ಅದರಿಂಬು ನೋಡಿ ನಡೆಸಂಬಿಗ || ೧ ||
ಹೊಳೆವ ಭರವ ನೋಡಂಬಿಗ
ಅದಕೆ ಸೆಳವು ಘನವಯ್ಯ ಅಂಬಿಗ
ಸುಳಿಯೊಳು ಮುಳುಗಿದೆ ಅಂಬಿಗ
ಎನ್ನ ಸೆಳೆದು ಕೊಂಡೊಯ್ಯೊ ನೀನಂಬಿಗ || ೨ ||
ಆರು ತೆರೆಯ ನೋಡಂಬಿಗ
ಅದು ಮೀರಿ ಬರುತಲಿದೆ ಅಂಬಿಗ
ಯಾರಿಂದಲಾಗದು ಅಂಬಿಗ
ಅದ ನಿವಾರಿಸಿ ದಾಟಿಸೋ ಅಂಬಿಗ || ೩ ||
ಸತ್ಯವೆಂಬುವ ಹುಟ್ಟಂಬಿಗ
ಸದಾ ಭಕ್ತಿಯೆಂಬುದೆ ಪಥ ಅಂಬಿಗ
ನಿತ್ಯ ಮೂರುತಿ ಪುರಂದರ ವಿಠಲ
ನಮ್ಮ ಮುಕ್ತಿ ಮಂಟಪಕೊಯ್ಯೊ ಅಂಬಿಗ || ೪
ಶರಣು ಸಿದ್ಧಿ ವಿನಾಯಕ
• ಪುರಂದರ ದಾಸರು
ಶರಣು ಸಿದ್ಧಿ ವಿನಾಯಕ ಶರಣು ವಿದ್ಯಾಪ್ರದಾಯಕ || ಪ ||
ಶರಣು ಪಾರ್ವತಿ ತನಯ ಮೂರುತಿ
ಶರಣು ಮೂಷಿಕ ವಾಹನ || ಅ.ಪ. ||
ನಿಟಿಲ ನೇತ್ರನ ದೇವಿಸುತನೆ
ನಾಗಭೂಷಣ ಪ್ರೀಯನೇ
ಕಟಿತಟಾಂಕಿತ ಕೋಮಲಾಂಗನೆ
ಕರ್ಣಕುಂಡಲ ಧಾರನೆ || 1 ||
ಬಟ್ಟ ಮುತ್ತಿನ ಹಾರಪದಕನೆ
ಬಾಹು ಹಸ್ತ ಚತುಷ್ಕನೇ
ಇಟ್ಟ ತೊಡುಗೆಯ ಹೇಮ ಕಂಕಣ
ಪಾಶ ಅಂಕುಶ ಧಾರನೆ || ೨ ||
ಕುಕ್ಷಿ ಮಹಾಲಂಬೋದರನೆ
ಇಕ್ಷು ಚಾಪನ ಗೆಲಿದನೇ
ಪಕ್ಷಿವಾಹನ ಶ್ರೀಪುರಂದರ
ವಿಠಲನ ನಿಜ ದಾಸನೆ || ೩ ||
ಮಾಡು ಸಿಕ್ಕದಲ್ಲಾ
• ಪುರಂದರ ದಾಸರು
ಮಾಡು ಸಿಕ್ಕದಲ್ಲಾ ಮಾಡಿನ ಗೂಡು ಸಿಕ್ಕದಲ್ಲ
ಜೋಡು ಹೆಂಡರಿಗಂಜಿ ಓಡಿ ಹೋಗುವಾಗ
ಗೋಡೆ ಬಿದ್ದು ಬಯಲಾಯಿತಲ್ಲ || ಪ ||
ಎಚ್ಚರಗೊಳಲಿಲ್ಲ ಮನವೆ ಹುಚ್ಚನಾದೆನಲ್ಲ
ಅಚ್ಚಿನೊಳಗೆ ಮೆಚ್ಚು ಮೆಚ್ಚಿನೊಳಗೆ ಅಚ್ಚು
ಕಿಚ್ಚೆದ್ದು ಹೋಯಿತಲ್ಲ || 1 ||
ಮುಪ್ಪು ಬಂದಿತಲ್ಲ ಪಾಯಸ ತಪ್ಪದೆ ಉಣಲಿಲ್ಲ
ತುಪ್ಪದ ಬಿಂದಿಗೆ ತಿಪ್ಪೆ ಮೇಲೆ
ದೊಪ್ಪನೆ ಬಿತ್ತಲ್ಲಾ || ೨ ||
ಯೋಗವು ಬಂತಲ್ಲಾ ಬದುಕು ವಿಭಾಗವಾಯಿತಲ್ಲ
ಭೋಗಿಶಯನ ಶ್ರೀ ಪುರಂದರ ವಿಠಲನ
ಆಗ ನೆನೆಯಲಿಲ್ಲಾ || ೩ ||
ಗುರುವಿನ ಗುಲಾಮನಾಗುವ ತನಕ
• ಪುರಂದರ ದಾಸರು
ಗುರುವಿನ ಗುಲಾಮನಾಗುವ ತನಕ
ದೊರೆಯದಣ್ಣ ಮುಕುತಿ
ಪರಿ ಪರಿ ಶಾಸ್ತ್ರವನೋದಿದರೇನು
ವ್ಯರ್ಥವಾಯ್ತು ಭಕುತಿ || ಪ ||
ಆರು ಶಾಸ್ತ್ರವ ಓದಿದರಿಲ್ಲ
ಮೂರು ಪುರಾಣವ ಮುಗಿಸಿದರಿಲ್ಲ
ಸಾರ ನ್ಯಾಯ ಕಥೆಗಳ ಕೇಳಿದರಿಲ್ಲ
ಧೀರನಾಗಿ ತಾ ಪೇಳಿದರಿಲ್ಲ || 1 ||
ಕೊರಳೊಳು ಮಾಲೆ ಧರಿಸಿದರಿಲ್ಲ,
ಬೆರಳೊಳು ಜಪಮಣಿ ಜಪಿಸಿದರಿಲ್ಲ
ಮರುಳನಾಗಿ ಶರೀರಕೆ ಬೂದಿ
ಒರೆಸಿಕೊಂಡು ತಾ ತಿರುಗಿದರಿಲ್ಲ || ೨ ||
ನಾರಿಯ ಭೋಗ ಅಳಿಸಿದರಿಲ್ಲ
ಶಾರೀರಿಕ ಸುಖವ ಬಿಡಿಸಿದರಿಲ್ಲ
ನಾರದವರದ ಪುರಂದರ ವಿಠಲನ
ಸೇರಿಕೊಂಡು ಮುಕ್ತಿ ತಾ ಪಡೆಯುವ ತನಕ || ೩ |
ನೀನ್ಯಾಕೋ ನಿನ್ನ ಹಂಗ್ಯಾಕೋ
• ಪುರಂದರ ದಾಸರು
ನೀನ್ಯಾಕೊ ನಿನ್ನ ಹಂಗ್ಯಾಕೋ
ನಿನ್ನ ನಾಮದ ಬಲವೊಂದಿದಿದ್ದರೆ ಸಾಕೋ || ಪ ||
ಕರಿ ಮಕರಿಗೆ ಸಿಕ್ಕಿ ಮೊರೆಯಿಡುತಿರುವಾಗ
ಆದಿ ಮೂಲನೆಂಬ ನಾಮವೆ ಕಾಯ್ತೋ || 1 ||
ಪ್ರಹ್ಲಾದನ ಪಿತ ಬಾಧಿಸುತಿರುವಾಗ
ನರಹರಿಯೆಂಬ ನಾಮವೆ ಕಾಯ್ತೋ || ೨ ||
ಬಾಲೆಯ ಸಭೆಯಲಿ ಸೀರೆಯ ಸೆಳೆವಾಗ
ಕೃಷ್ಣ ಕೃಷ್ಣ ಎಂಬ ನಾಮವೆ ಕಾಯ್ತೋ || ೩ ||
ಯಮನ ದೂತರು ಬಂದು ಅಜಾಮಿಳನೆಳೆವಾಗ
ನಾರಾಯಣನೆಂಬ ನಾಮವೆ ಕಾಯ್ತೋ || ೪ ||
n>
ಆ ಮರ ಈ ಮರ ಧ್ಯಾನಿಸುತಿರುವಾಗ
ರಾಮ ನಾಮ ಎಂಬ ನಾಮವೆ ಕಾಯ್ತೋ || ೫ ||
ಹಸುಳೆ ಆ ಧ್ರುವರಾಯ ಅಡವಿಗೆ ಪೋವಾಗ
ವಾಸುದೇವನೆಂಬೊ ನಾಮವೆ ಕಾಯ್ತೋ || ೬ ||
ನಿನ್ನ ನಾಮಕೆ ಸರಿ ಕಾಣೆನು ಜಗದೊಳು
ಘನ ಮಹಿಮ ಸಿರಿ ಪುರಂದರ ವಿಠಲ || ೭ ||
ದಾಸನ ಮಾಡಿಕೊ ಎನ್ನ
• ಪುರಂದರ ದಾಸರು
ದಾಸನ ಮಾಡಿಕೊ ಎನ್ನ ಇಷ್ಟು
ಘಾಸಿ ಮಾಡುವರೇನೊ ಕರುಣಾಸಂಪನ್ನ || ಪ ||
ದುರುಳ ಬುದ್ಧಿಗಳೆಲ್ಲ ಬಿಡಿಸೊ ನಿನ್ನ
ಕರುಣ-ಕವಚವೆನ್ನ ಹರಣಕ್ಕೆ ತೊಡಿಸೊ
ಚರಣಸೇವೆ ಎನಗೆ ಕೊಡಿಸೊ ಅಭಯ
ಕರಪುಷ್ಪವ ಎನ್ನ ಶಿರದಲ್ಲಿ ಮುಡಿಸೊ || 1 ||
ದೃಢಭಕ್ತಿ ನಿನ್ನಲ್ಲಿ ಬೇಡಿ ನಾ
ಅಡಿಗೆರಗುವೆನಯ್ಯ ಅನುದಿನ ಪಾಡಿ
ಕಡೆಗಣ್ಣಲೇಕೆನ್ನ ನೋಡಿ ಬಿಡುವೆ
ಕೊಡು ನಿನ್ನ ಧ್ಯಾನವ ಮನಶುಚಿ ಮಾಡಿ || ೨ ||
ಮೊರೆಹೊಕ್ಕವರ ಕಾಯುವ ಬಿರುದು ಎನ್ನ
ಮರೆಯದೆ ರಕ್ಷಣೆ ಮಾಡಯ್ಯ ಪೊರೆದು
ದುರಿತ ರಾಶಿಗಳೆಲ್ಲ ತರಿದು ಸಿರಿ
ಪುರಂದರ ವಿಠಲ ಕರುಣದಿ ಕರೆದು || ೩ ||
ಬಾಗಿಲನು ತೆರೆದು
• ಕನಕದಾಸರು
ಬಾಗಿಲನು ತೆರೆದು ಸೇವೆಯನು ಕೊಡೊ ಹರಿಯೆ
ಕೂಗಿದರು ಧ್ವನಿ ಕೇಳಲಿಲ್ಲವೇ ನರಹರಿಯೆ || ಪ ||
ಪರಮಪದದೊಳಗೆ ವಿಷಧರನ ತಲ್ಪದಲಿ ನೀ
ಸಿರಿಸಹಿತ ಕ್ಷೀರವಾರಿಧಿಯೊಳಿರಲು
ಕರಿರಾಜ ಕಷ್ಟದಲಿ ಆದಿಮೂಲ ಎಂದು
ಕರೆಯಲಾಕ್ಷಣ ಬಂದು ಒದಗಿದೆಯೊ ನರಹರಿಯೇ || 1 ||
ಕಡುಕೋಪದಿಂ ಖಳನು ಖಡುಗ ಕೈಯಲಿ ಪಿಡಿದು ನಿ
ನ್ನೊಡೆಯನೆಲ್ಲಿಹನೆಂದು ಕಂಬವನು ಜಡಿಯೆ
ದೃಢಭಕುತಿಯಿಂ ಶಿಶುವು ಬಿಡದೆ ನಿನ್ನನು ಭಜಿಸೆ
ಸಡಗರದಿ ಸ್ತಂಭದಿಂದೊಡೆದೆ ನರಹರಿಯೆ || ೨ ||
ಯಮಸುತನ ರಾಣಿಗಕ್ಷಯವಸನವನಿತ್ತೆ
ಸಮಯದಲಿ ಅಜಮಿಳನ ಪೊರೆದೆ
ಸಮಾಯಾಸಮಯವುಂಟೆ ಭಕ್ತವತ್ಸಲ ನಿನಗೆ
ಕಮಾಲಾಕ್ಷ ಕಾಗಿನೆಲೆಯಾದಿ ಕೇಶವನೆ || ೩ ||
ನಮ್ಮಮ್ಮ ಶಾರದೆ
• ಕನಕದಾಸರು
ನಮ್ಮಮ್ಮ ಶಾರದೆ ಉಮಾಮಹೇಶ್ವರಿ
ನಿಮ್ಮೊಳಗಿಹನ್ಯಾರಮ್ಮ || ಪ ||
ಕಮ್ಮಗೋಲನ ವೈರಿಸುತನಾದ ಸೊಂಡಿಲ
ಹೆಮ್ಮೆಯ ಗಣನಾಥನೆ || ಅ.ಪ. ||
ಮೋರೆಕಪ್ಪಿನ ಭಾವ ಮೊರದಗಲ ಕಿವಿ
ಕೋರೆದಾಡೆಯವನ್ಯಾರಮ್ಮ
ಮೂರು ಕಣ್ಣನ ಸುತ ಮುರಿದಿಟ್ಟ ಚಂದ್ರನ
ಧೀರ ಗಣನಾಥನೆ ಅಮ್ಮಯ್ಯ || 1 ||
ಉಟ್ಟದಟ್ಟಿಯು ಬಿಗಿದುಟ್ಟ ಚಲ್ಲಣದ
ದಿಟ್ಟ ತಾನಿವನ್ಯಾರಮ್ಮ
ಶಿವನ ಪಟ್ಟದ ರಾಣಿ ಪಾರ್ವತಿಯ ಕುಮಾರನು
ಹೊಟ್ಟೆಯ ಗಣನಾಥನೆ ಅಮ್ಮಯ್ಯ || ೨ ||
ರಾಶಿ ವಿದ್ಯೆಯ ಬಲ್ಲ ರಮಣಿ ಹಂಬಲನೊಲ್ಲ
ಭಾಷಿಗನಿವನ್ಯಾರಮ್ಮ
ಲೇಸಾಗಿ ಸುಜನರ ಸಲಹುವ ನೆಲೆಯಾದಿ
ಕೇಶವನ ದಾಸ ಕಾಣೆ ಅಮ್ಮಯ್ಯ || ೩ ||
ಒಮ್ಮೊಮ್ಮೆ ನನ್ನನ್ನು ನಾನೇನೆ ಕೊಲೆಗೊಯ್ಯುವೆ
ಇನ್ನೊಮ್ಮೆ ನಿನ ಕಂಡು ನಾ ಚೂರು ಸರಿಹೋಗುವೆ.
ನನ್ನ ನೀನು ಎಂದೆಂದು ಕ್ಷಮಿಸಬೇಡ
ಒಂದು ಕನಸು ಜೀವಂತ ಉಳಿಸಬೇಡ
ಅನುರಾಗದ ಅಪರಾಧಕೆ ನಿನ ಕೋಪವೇ ಕಿರುಕಾಣಿಕೆ
ಒಮ್ಮೊಮ್ಮೆ ನನ್ನನ್ನು
ನಾನೇನೆ ಕೊಲೆಗೊಯ್ಯುವೆ...
ಮಾತು ಆಡಲಾರೆ ಕಣ್ಣಲ್ಲಿ ನೋಡಲಾರೆ
ನಿನ್ನೆದುರು ಹೇಗೆ ನಿಂತುಕೊಳ್ಳಲಿ
ಹೋಗು ನೀನು ಸಾಕು ನಾನಿನ್ನು ಬೇಯಬೇಕು
ಈ ಏಕಾಂತದ ಬೆಂಕಿಊರಲಿ
ತಿಳಿಸಿದರೂನು ಮುಗಿಯದ ಕಥೆಯ
ಕೇಳುವ ಸಹನೆ ನಿನಗೇತಕೆ
ಅನುರಾಗದ ಅಪರಾಧಕೆ ಕಡು ವಿರಹವೆ ಕಿರುಕಾಣಿಕೆ.
ಓ..ಒಂದೇ ಒಂದು ಬಾರಿ ತೊಳಲ್ಲಿ ಅಳುವ ಆಸೆ
ಬೇರೇನು ಬೇಡ ನನ್ನ ಜೀವಕೆ
ಎಲ್ಲೋ ಇರುವೆ ನಾನು ಇನ್ನೆಲ್ಲೋ ಸಿಗುವೆ ನೀನು
ಆ ಮೌನ ಸಾಕು ಪೂರ್ತಿ ಜನ್ಮಕೆ
ನೆನಪಿನ ಕವಿತೆ ನೆನಪಲೆ ಇರಲಿ
ಮುಂದಕೆ ಹಾಡು ಇನ್ನೇತಕೆ
ಅನುರಾಗದ ಅಪರಾಧಕೆ ಸಿಗಲಾರದು ಸ್ವರಮಾಲಿಕೆ.
ಒಮ್ಮೊಮ್ಮೆ ನನ್ನನ್ನು ನಾನೇನೆ ಕೊಲೆಗಯ್ಯುವೆ
ಓ ಸಂಜೆಯ ಹೂವೆ
ಬೆಳದಿಂಗಳಾಸೆ ಬಿಡು
ನಾ ಹಚ್ಚಿದ ಹಣತೆ
ನನ್ನುಸಿರೆ ಆರಿಸಿದೆ
ನಾ ಸಾಕಿದ ಮುನಿಸು
ನನ್ನನೆ ಆಳುತಿದೆ
ನಾ ತುಳಿದ ಪದಿಯು
ವೈರುಧ್ಯ ದಿಕ್ಕಲಿ ತಿರುಗಿವೆ
ಬಿರುಕು ಬಿರುಕಿದ ಶಿಲೆಗು
ಪೂಜೆಯ ಬಯಕೆಯು ಬಿರಿದಿದೆ
ಹನಿಯು ಮರೆದನಿಯು
ಕೊರಗುತ ಉರಿದಿದೆ
ಹಂಚೆಯದ ಹಣೆ ಬರಹಕೆ
ಚುಚ್ಚಿದ ಶಾಹಿಯು ನಮ್ಮದೆ
ಒಲವ ಚಿತೆಯ ಹೊಗೆಯಲಿ
ಘಮಿಸಿದೆ ಎಕಾಂತ
ಈ ಕಣ್ಣಿರ ಹನಿಗೆ
ನನ್ನಿಂದ ಬೀಳ್ಕೊಡುಗೆ
ಈ ಎದೆಯ ಭಾರ
ಆ ದುಃಖವಿನ್ನು ನಿರಂತರ
ನಾ ಹೊರಟ ತೀರ
ಕಣ್ಣೀರ ನಿಲ್ದಾಣ
ಈ ಜೀವನ ಸಾರ
ಉಸಿರಾಟವೆ ದಾರುಣ
ಬರಹ ವಿಧಿ ಬರಹ
ಏರು ಪೇರು ಬರೆದರು
ತರಹ ತರ ತರಹ
ದಿಕ್ಕಾಪಾಲು ಆದೆನು
ಸಿಗದೆ ಹೋದರೆ ನೀನು
ಕಣ್ಣೊಳಗೆ ನೀರಾಗುವೆ
ಬಚ್ಚಿಟ್ಟ ನನ್ನ ಕನಸಿಗೆ
ಕಪ್ಪು ಮಸಿಯ ಬಳಿಯುವೆ.
ರೂಪಸಿ ಸುಮ್ಮನೆ ಹೇಗಿರಲಿ ನಿನ್ನನು ನೋಡುತ ಕೂತು..?
ಕೋಪಿಸಿಕೊಳ್ಳದೆ ಜ್ನ್ಯಾಪಿಸು ನೀ, ಮರೆತರೆ ಮುಂದಿನ ಮಾತು..
ಇಶಾರೆಯ ನೀ ನೀಡೂ ಹುಷಾರಾಗುವೆ..
ನನಗಾಗುವ ಕನಸೆಲ್ಲವೂ ಬರಿ ಇಂಥವೇ..
ರೂಪಸಿ ಸುಮ್ಮನೆ ಹೇಗಿರಲಿ ನಿನ್ನನು ನೋಡುತ ಕೂತು..?
ಕೋಪಿಸಿಕೊಳ್ಳದೆ ಜ್ನ್ಯಾಪಿಸು ನೀ, ಮರೆತರೆ ಮುಂದಿನ ಮಾತು..
ನಾಚಿವೆ ನಿನ್ನನು ನೋಡಿ ಹೂವಿನ ಅಂಗಡಿ...
ಮೆಲ್ಲಗೆ ಕಣ್ಣಲೇ ಗೀಚು ಮುತ್ತಿನ ಮುನ್ನುಡಿ...
ಮಂದಹಾಸವೇ ನನ್ನ ಆಸ್ತಿಯು.. ಈಗ ನಿನ್ನ ಪಾಲು..
ತಮಾಷೆಗೂ ಕೈ ಚಾಚು ತಯಾರಾಗುವೆ...
ಬಡಪಾಯಿಯ ಮನರಂಜನೆ ಬರೀ ಇಂಥದೇ...
ರೂಪಸಿ ಸುಮ್ಮನೆ ಹೇಗಿರಲಿ ನಿನ್ನನು ನೋಡುತ ಕೂತು..?
ಕೋಪಿಸಿಕೊಳ್ಳದೆ ಜ್ನ್ಯಾಪಿಸು ನೀ, ಮರೆತರೆ ಮುಂದಿನ ಮಾತು..
ನಿನ್ನನು ಕಾಣುವ ಜಾಗ ಖಾಸಗಿ ಸ್ಮಾರಕ...
ನನ್ನನು ಆಪ್ತನೂ ಎಂದು ಮಾಡಿಕೊ ನೇಮಕ..
ಎಲ್ಲೇ ಎಸೆದರು ನಿನ್ನ ಕಣ್ಣಲೇ ಬಂದು ಬೀಳುವಾಸೆ..
ನಿನ್ನಾ ಜೀವದಲ್ಲೀಗ ಜಮಾ ಆಗುವೆ...
ನಡು ಬೀದಿಯ ಜ್ನ್ಯಾನೋದಯ ಬರೀ ಇಂಥವೇ...
ರೂಪಸಿ ಸುಮ್ಮನೆ ಹೇಗಿರಲಿ ನಿನ್ನನು ನೋಡುತ ಕೂತು..?
ಕೋಪಿಸಿಕೊಳ್ಳದೆ ಜ್ನ್ಯಾಪಿಸು ನೀ, ಮರೆತರೆ ಮುಂದಿನ ಮಾತು..
ಸಂಜೆ ಹೊತ್ತು ನಿನ್ನ ಶ್ಯಾನೆ ನೋಡ್ತಾ ಇದ್ರೆ ಎರ್ರಾss ಬಿರ್ರಿss ಲವ್ ಆಯ್ತದೆ...
ಕಾಲರ್ ಎತ್ಕೊಂಡ್ ನೀನು ಕೂಲ್ ಆಗ್ ಹೋಯ್ತಾ ಇದ್ರೆ ನಂದೇ ದೃಷ್ಟಿ ತಾಗೋಯ್ತದೆ..
ಸ್ವರ ರಾಗ ಸೋದರ...
ರಸಾಯುತಾ aaaaaa
ಸ್ವರ ರಾಗ...aaaa
ಅತ್ತೆ ಮೇಲೆ ಮಾವನ ಮೇಲೆ ಅಮ್ಮನ ಮೇಲೆ ಅಪ್ಪನ ಮೇಲೆ ಎಲ್ಲರ ಮೇಲೆ ಆಣೆ ಚಿನ್ನ I Love you...
ವಾಲೆ ಮೇಲೆ ಜುಮ್ಕಿ ಮೇಲೆ ಡಾಬಿನ್ ಮೇಲೆ ಗೆಜ್ಜೆ ಮೇಲೆ ಯಾರ ಮೇಲು ಆಸೆ ಇಲ್ಲ I Want you..
ಚೆಂದುಳ್ಳಿ ಚಿನಕುರಳಿ ನನ್ನ ಮುದ್ದು ಆಣೆ ಪಟಾಕಿ
ಹಿತ್ತಲಲ್ಲಿ ಕಾಯ್ತಿನಿ ಹೋಗು ಒಂದು ಮುತ್ತು ಬಿಸಾಕಿ,
ಬಿಡದೆ ಸೆಳೆಯೋ ಗೆಳೆಯಾ...
ಆ....
ಸಂಜೆ ಹೊತ್ತು ನಿನ್ನ ಶ್ಯಾನೆ ನೋಡ್ತಾ ಇದ್ರೆ ಎರ್ರಾss ಬಿರ್ರಿss ಲವ್ ಆಯ್ತದೆ...
ಸ್ವರ ರಾಗ ಸೋದರ...
ರಸಾಯುತಾ aaaaaa
ಸ್ವರ ರಾಗ...aaaa
ಮದರಂಗಿ ನೀನೆ ಮನದಾಳ ನೀನೆ, ನನ್ನ ಆಳೋ ರಾಣಿ ನೀನೆ...
ಮುಂಜಾನೆ ಇಂದಾ ಮುಸ್ಸಂಜೆ ವರೆಗೂ ನಿಂದೇನೆ ಧ್ಯಾನ,
ನೀನಂದ್ರೆ ಪ್ರಾಣ
ನೀನು ಅಂದ್ರೆ ಇಷ್ಟ ನಂಗೆ ನಿನ್ನ ಕಂಡ್ರೆ ಜೀವ ನಂಗೆ,
ಹರಕೆನಾದ್ರೂ ಹೊತ್ತುಕೋತಿನಿ ಹೆಂಗೋ ನಿನ್ನ ಪಡ್ಕೋತೀನಿ..
ಸಂಜೆ ಹೊತ್ತು ನಿನ್ನ ಶ್ಯಾನೆ ನೋಡ್ತಾ ಇದ್ರೆ ಎರ್ರಾss ಬಿರ್ರಿss ಲವ್ ಆಯ್ತದೆ...
ಸ್ವರ ರಾಗ ಸೋದರ...
ರಸಾಯುತಾ aaaaaa
ಸ್ವರ ರಾಗ...aaaa
ಬಿರುಗಾಳಿಯೊಂದಿಗೆ ಕಿರು ದೀಪ ಹೇಳಿದೆ ನೀನಾಗು ನನ್ನಯ ಸಂಜೀವಿನಿ...
ಇರುವಷ್ಟು ಜೀವನ ಒಲವಿಂದ ತುಂಬುತ ಮಾಯಾವಿಯೇ...
ಮಾತಾಡು ನೀ...
ಬಿರುಗಾಳಿಯೊಂದಿಗೆ ಕಿರು ದೀಪ ಹೇಳಿದೆ ನೀನಾಗು ನನ್ನಯ ಸಂಜೀವಿನಿ...
ಬೊಗಸೆಯ ನಡುವೆಯೇ ಅರಳಿ ನಗುವಾಗ ಮುಖಪುಟ,
ಒಳಗಿನ ಹೂ ಹೃದಯದ ವಿವರ ನನಗೀಗ ಪರಿಚಿತ,
ಜೊತೆ ಇದ್ದು ಕೂಡ ಅನಿವಾಸಿ ನೀನು..
ಎಲ್ಲೆಲ್ಲೂ ಮೂಡಿಸಿ ಮುದ್ದಾದ ಮಾರ್ದನಿ ರೂವಾರಿಯೇssss...
ಮಾತಾಡು ನೀ.....
ನಿದಿರೆಯೇ ಬರದಿರು ಎದುರೇ ಸಿಹಿಯಾದ ಕನಸಿದೆ,
ಬದುಕಿನ ಈ ಗುಟುಕಿಗೆ ಎದೆಯ ಗಡಿಯಾರ ಚಲಿಸಿದೆ,
ತುಟಿಯಲ್ಲಿ ನಿನ್ನ ಹಾಡಾಗಿಸೆನ್ನ ನನ್ನಲ್ಲೇ ಇಂಗಲೀ ನಿನ್ನೆಲ್ಲ ಕಂಬನಿ,
ಚೈತನ್ಯವೇssssss ಮಾತಾಡು ನೀ...
ಬಿರುಗಾಳಿಯೊಂದಿಗೆ ಕಿರು ದೀಪ ಹೇಳಿದೆ ನೀನಾಗು ನನ್ನಯ ಸಂಜೀವಿನಿ...
ಮಾತಾಡು ನೀ ಹೃದಯದ ಮೌನಾ, ಹೃದಯಕೆ ಸೀದಾ ತಲುಪಿವೆ ಹಾಗೆ....
ಮಾತಾಡು ನೀ ಏನಾದರೂ ...ಮಾತಾಡು ನೀ...
ದೂರವೇ ನಿಂತು ಪ್ರೋತ್ಸಾಹ ನೀಡೋದು ನಿನ್ನ ಕಲೆಗಾರಿಕೆ...
ಕಾಣದಂತೇನೇ ಕಾದಿಟ್ಟ ಈ ಮೋಹ ಬಂತು ಹೊರಗೇತಕೆ..?
ಮಿನು ಮಿನುಗಿದೆ ಕಣ್ಣುಗಳಲ್ಲಿ, ಸವಿಗನಸಿನ ಠೇವಣಿ..
ಹೊಸ ಹುರುಪಲಿ ಬೀಸುತಿರುವ ಗಾಳಿಯೊಡನೆ ಹೂವಿನಂತೆ,
ಮಾತಾಡು ನೀ ಹೇಗಾದರೂ...ಮಾತಾಡು ನೀ...!!!
ಕಂಡ ಮಾತ್ರಕ್ಕೆ ನಾ ಸೋಲಬೇಕಿಲ್ಲ ಚೂರು ಪುಸಲಾಯಿಸು
ಆರದೆ ಇದ್ದ ಪ್ರೀತಿನೇ ಬಲು ಚೆಂದ ದಾಟಿ ಬದಲಾಯಿಸು...
ಉಸಿರಿನ ಒಳಬೀದಿಗಳಲಿ ಪಿಸುನುಡಿಗಳ ಸಂಧನಿ...
ನಸು ಬೆಳಕಲಿ ಮೀಯುತಿರುವ ತೀರದೊಡನೆ ತೆರೆಗಳಂತೆ,
ಮಾತಾಡು ನೀ ಇನ್ನಾದರೂ......, ಮಾತಾಡು ನೀ ಹೃದಯದ ಮೌನ,..
ಹೃದಯಕೆ ಸೀದಾ ತಲುಪುವ ಹಾssssಗೆ, ಮಾತಾಡು ನೀ ಏನಾದರೂ,
ಮಾತಾಡು ನೀ.....
ಚಿತ್ರ : ಒಡೆಯ
ಸಂಗೀತ : ಅರ್ಜುನ ಜನ್ಯ
ಸಾಹಿತ್ಯ : ಜಯಂತ್ ಕಾಯ್ಕಿಣಿ
ಕಾಣೆಯಾಗಿರುವೆ ನಾನೂ, ಎದುರಲಿ ಕಾಣುತಿರುವಾಗ ನೀನು..
ಗಾಯಕೆ ಕುಡಿನೋಟ ಸಾಕು, ಮಾಯಿಸೋ ಒಡನಾಟ ಬೇಕು ,
ಮಾತಾಡುವ ದೇವರು ನೀನು..!
ಕಾಣೆಯಾಗಿರುವೆ ನಾನೂ, ಎದುರಲಿ ಕಾಣುತಿರುವಾಗ ನೀನು |೨|
ನಿನ್ನ ಕಿರುಬೆರಳ ತುಟಿಯಲಿ ಕುಣಿಸು ನನ್ನ,
ಸಣ್ಣ ಪರಿಮಳವ ಉಸಿರಲಿ ಬೆರೆಸೋ ಚಿನ್ನ,
ನೀನು ತೊಟ್ಟಿರುವ ಉಡುಪಿಗೂ ಎಷ್ಟು ಜಂಬ ,
ನೀನು ಸಿಗದಿರಲು ಅಲೆಯುವೆ ಊರ ತುಂಬಾ,
ಪ್ರೀತಿಯ ಅವತಾರ ನೂರು.. ತೋರುತ ನೀ ಸನಿಹ ಕೂರು..
ಈ ಜೀವದ ಕಾಳಜಿ ನೀನು..!
ಕಾಣೆಯಾಗಿರುವೆ ನಾನೂ, ಎದುರಲಿ ಕಾಣುತಿರುವಾಗ ನೀನು..
ನಿನ್ನ ನೆನಪುಗಳೇ ಮನಸಿಗೆ ಪಾರಿಜಾತ,
ದಿವ್ಯ ನಸುನಗುವೇ ಕನಸಿನ ಜಾಹೀರಾತ,
ನೀನು ಕರೆದರೆ ನಾ ಬರುವೆನು ಹಾಗೇನಿಲ್ಲ.
ನಿನ್ನ ಜೊತೆಗಿರುವ ಕ್ಷಣಗಳೇ ಜೋನಿಬೆಲ್ಲ.
ವಾಸಿಸು ಕನಸಲ್ಲಿ ಬಂದು, ಪ್ರೀತಿಸು ಹೃದಯಾನೇ ನಿಂದು,
ನೀನಿಲ್ಲದೆ ತಬ್ಬಲಿ ನಾನೂ..!
ಕಾಣೆಯಾಗಿರುವೆ ನಾನೂ, ಎದುರಲಿ ಕಾಣುತಿರುವಾಗ ನೀನು.. |೨|
: ಒಡೆಯ
ಸಂಗೀತ : ಅರ್ಜುನ ಜನ್ಯ
ಸಾಹಿತ್ಯ : ಜಯಂತ್ ಕಾಯ್ಕಿಣಿ
ಕಾಣೆಯಾಗಿರುವೆ ನಾನೂ, ಎದುರಲಿ ಕಾಣುತಿರುವಾಗ ನೀನು..
ಗಾಯಕೆ ಕುಡಿನೋಟ ಸಾಕು, ಮಾಯಿಸೋ ಒಡನಾಟ ಬೇಕು ,
ಮಾತಾಡುವ ದೇವರು ನೀನು..!
ಕಾಣೆಯಾಗಿರುವೆ ನಾನೂ, ಎದುರಲಿ ಕಾಣುತಿರುವಾಗ ನೀನು |೨|
ನಿನ್ನ ಕಿರುಬೆರಳ ತುಟಿಯಲಿ ಕುಣಿಸು ನನ್ನ,
ಸಣ್ಣ ಪರಿಮಳವ ಉಸಿರಲಿ ಬೆರೆಸೋ ಚಿನ್ನ,
ನೀನು ತೊಟ್ಟಿರುವ ಉಡುಪಿಗೂ ಎಷ್ಟು ಜಂಬ ,
ನೀನು ಸಿಗದಿರಲು ಅಲೆಯುವೆ ಊರ ತುಂಬಾ,
ಪ್ರೀತಿಯ ಅವತಾರ ನೂರು.. ತೋರುತ ನೀ ಸನಿಹ ಕೂರು..
ಈ ಜೀವದ ಕಾಳಜಿ ನೀನು..!
ಕಾಣೆಯಾಗಿರುವೆ ನಾನೂ, ಎದುರಲಿ ಕಾಣುತಿರುವಾಗ ನೀನು..
ನಿನ್ನ ನೆನಪುಗಳೇ ಮನಸಿಗೆ ಪಾರಿಜಾತ,
ದಿವ್ಯ ನಸುನಗುವೇ ಕನಸಿನ ಜಾಹೀರಾತ,
ನೀನು ಕರೆದರೆ ನಾ ಬರುವೆನು ಹಾಗೇನಿಲ್ಲ.
ನಿನ್ನ ಜೊತೆಗಿರುವ ಕ್ಷಣಗಳೇ ಜೋನಿಬೆಲ್ಲ.
ವಾಸಿಸು ಕನಸಲ್ಲಿ ಬಂದು, ಪ್ರೀತಿಸು ಹೃದಯಾನೇ ನಿಂದು,
ನೀನಿಲ್ಲದೆ ತಬ್ಬಲಿ ನಾನೂ..!
ಕಾಣೆಯಾಗಿರುವೆ ನಾನೂ, ಎದುರಲಿ ಕಾಣುತಿರುವಾಗ ನೀನು.. |೨|
Comments
Post a Comment